Engl gibt´s, des woaß i gwis

Bild von Corinna

Engl gibt’s, des woaß i gwis,
und des ned nur im Paradies,
a wenn i selba nu koan gseng hob,
i hob oft gschbiad scho eana Gnad.

So mancher sogd, a so a Schmarrn,
doch ich hob scho vui Huif erfahrn,
vui Kraft hob i scho dadurch griagd,
dass mi von do ned wegga ziagd.

Mei Engl sog’d, mia soin uns ned verliern,
sondern om und unt’n zamagriang,
des hoaßd den Himme auf d’Erden
runtahoin, s’Paradies erschaffn,
des is des, wos mia macha soin.

De Engl san nur de Vermittler
zwischen uns und Gott, sie san de
schdaadn Diener nur, und helfn in da Not.
Dea oane gschbiad’s, dea andere
siecht’s, i woas, dassas gibt,
de Boten des Licht’s.

Nur drum, bittn mia’s ma’s scho,
weil eigreif’n deafn’s ned einfach so,
mia ham ja unsan frein Willn
und der schdäd oiwei an erster Schdai,
do mischt se a koa Engl ei.

A jeda kon se frei entscheidn,
wos er aus seinem Lebn machd,
ob er an Engl glaubn duad,
oda ob er drüber lacht.

Leichta lem losst ses scho,
weil ma so manches obgem ko,
dass mia ned so vui drogn miassn,
mit an Engl an da Seitn
brauchst ned vadriassn.

Weils ebn ned nur in da
Kirch drin hengan,
sondern immer bei uns schdängan,
sie san bei uns ja ollezeit,
und gem uns himmlisches Geleit.

Sie san mittn unta uns,
ned weit weg an Himme drom,
genauso wia a Mensch nu do is,
dea eigentlich scho lang is gschdorm.

Drum bedank di bei deim Beschützer,
solang du des nu konnst,
solang du nu hier auf Erdn und
ned beim Himmevadda wohnst.

Maria Magdalena Widmann
Aus meinem Buch „So siegs i“
Mail:MariaWidmann@gmx.net

Ich hoffe ihr könnt bayrisch lesen Liebe Grüße Maria

Advertisements
This entry was posted in Allgemeine Texte and tagged , . Bookmark the permalink.

2 Responses to Engl gibt´s, des woaß i gwis

  1. Kirstin says:

    Liebe Maria,

    ich glaub, das erste Mal, daß ich bayerisch lese. Aber die Engel verstehens offenbar auch. Danke Dir.

    Liebe Grüße von Kirstin

  2. sweetkoffie says:

    Maria, des gfollt ma !

    SK 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s